O Sonoro Maxín fai estallar a Galicia tropical en cada concerto!

O sábado 31 de maio imos todas á Sala Mardi Gras (A Coruña) para gozar da sesión vermú que teñen preparada con A primavera ten que ser nosa, unha homenaxe musical ao seu ex-batería Jaime Mateo. Un concerto no que soarán diferentes estilos musicais como a cumbia, o forró, o merengue e o rock. Unha mostra das cancións da Galicia tropical chea de flores e froitos para celebrar a primavera.

O concerto comezará ás 13h do 31/05, con previa apertura de portas ás 12h.

As entradas custan 10€ (venda online) e 12€ na billeteira da sala. No caso das crianzas menores de 12 anos, é gratuita.